اٹلی میں بیٹی کے قتل میں ملوث مفرور خاتون لاہور سے گرفتار

اٹلی میں غیرت کے نام بیٹی کو قتل کرنے میں ملوث ملزمہ کو لاہور کے علاقے کھاریاں سے پولیس نے گرفتار کرلیا۔

تفصیلات کے مطابق اٹلی میں غیرت کے نام پر بیٹی کے قتل میں ملوث ملزمہ کو لاہور سے گرفتار کرلیا گیا۔

ترجمان پنجاب پولیس کے مطابق ملزمہ پر اٹلی میں 18سال کی بیٹی کو شوہر سے مل کر قتل کرنے کا الزام ہے۔ترجمان کے مطابق ملزمہ نازیہ شاہین کو کھاریاں کے علاقے سے گرفتارکیا گیا۔

پنجاب پولیس کے مطابق ملزمہ اٹلی سے کھاریاں آکر روپوش تھی، جس کی حوالگی کیلیے قانونی کارروائی مکمل کی جائے گی۔

پولیس کا کہنا ہے ملزمہ کا شوہر اٹلی میں گرفتار اور عدالت سے سزا یافتہ جبکہ جیل میں قید کاٹ رہا ہے۔