جنوبی افریقا نے دوسرے ٹیسٹ میں پاکستان کو شکست دے کر سیریز اپنے نام کرلی

جنوبی افریقا نے دوسرے ٹیسٹ میں بھی پاکستان کو شکست سے دوچار کرکے سیریز میں کامیابی حاصل کرلی۔

پاکستان نے فالو آن کے بعد دوسری اننگز میں بیٹنگ کرتے ہوئے 478 رنز بنائے اور جنوبی افریقا کو جیت کیلیے 58 رنز کا ہدف دیا تھا۔ جنوبی افریقا کے اوپنر بلے بازوں نے ہی ہدف کو حاصل کیا اور 0-2 سے سیریز اپنے نام کرلی۔

چوتھے روز شان مسعود اور خرم شہزاد نے 213 رنز ایک وکٹ کے نقصان کے ساتھ کھیل کا آغاز کیا، 235 کے مجموعی اسکور پر خرم شہزاد 18 رنز بناکر آوٹ ہوگئے، کامران غلام 28 اور سعود شکیل 23 رنز بناکر آوٹ ہوئے، کپتان شان مسعود 145 رنز بناکر ایل بی ڈبلیو ہوئے۔

بعد ازاں محمد رضوان 41، سلمان آغا 48، عامر جمال 34 اور میر حمزہ 16 رنز بنا کر آٹ ہوئے۔ پوری ٹیم 478 رنز کے مجموعی اسکور پر پویلین لوٹ گئی۔

جنوبی افریقا کی جانب سے کاگیسو رباڈا اور کیشور مہاراج نے 3، 3 جبکہ مارکو جانسن نے 2 اور کیوینا مپاخا نے 1 کھلاڑی کو حاصل کیا۔

پروٹیز نے 58 رنز کے تعاقب میں جارحانہ بلے بازی کا مظاہرہ کیا اور بغیر کسی نقصان کے اوورز میں ہدف حاصل کر لیا، ڈیوڈ بیڈنگھم 44 اور ایڈن مارکرم 14 رنز بنا کر ناٹ آئوٹ پر پویلین لوٹ گئے۔