؟کپتانی جانے پر شاہین آفریدی نے نیا پینڈورا باکس کھول دیا

پاکستان کے سابق کپتان شاہین شاہ آفریدی نے اپنی برطرفی اور اسٹار بلے باز بابر اعظم کی بطور کپتان تقرری سے متعلق جاری تنازعہ کے درمیان ایک خفیہ ویڈیو شیئر کی۔

انسٹاگرام اسٹوری پر 23 سالہ فاسٹ بولر نے مبینہ طور پر قومی کرکٹ ٹیم میں اہم پوزیشن کھونے پر اپنا غصہ ویڈیو کے ذریعے ظاہر کیا۔

ویڈیو میں شاہین کا کہنا تھا کہ "مجھے کبھی بھی ایسی پوزیشن میں مت ڈالو جہاں میں آپ کو یہ دکھاؤں کہ میں کتنا ظالم اور بے رحم ہو سکتا ہوں۔ میرے صبر کا امتحان نہ لیں کیونکہ میں شاید آپ سے سب سے زیادہ مہربان اور پیارا ہوں، لیکن ایک بار جب میں اپنی حد تک پہنچ جاؤں گا، تو آپ مجھے وہ کام کرتے دیکھیں گے جو کسی نے نہیں سوچا تھا، میں کرنے کے قابل تھا،"۔

 ایسا بھی لگ رہا تھا کہ سابق کپتان نے گرین شرٹس کے درمیان جھگڑے کا اشارہ دے دیا۔

واضح رہے کہ 31 مارچ کو پاکستان کرکٹ بورڈ (پی سی بی) نے شاہین کی جگہ بابر کو وائٹ بال کا کپتان مقرر کیا۔

 فاسٹ باؤلر نے ابھی نیوزی لینڈ کے خلاف ٹی ٹوئنٹی سیریز میں ٹیم کی قیادت کی جہاں گرین شرٹس فتح حاصل کرنے میں ناکام رہے اور انہیں کیویز کے ہاتھوں 4-1 سے شکست ہوئی۔

 شاہین نے بابر کی تقرری کے بعد کرکٹ بورڈ کی جانب سے ان سے منسوب جعلی بیان پر بھی مایوسی کا اظہار کیا۔

 پاکستان کی قومی کرکٹ ٹیم کی کپتانی کرنا ایک اعزاز کی بات ہے۔ میں ہمیشہ یادوں اور مواقع کی قدر کروں گا۔ ٹیم کے کھلاڑی ہونے کے ناطے یہ میرا فرض ہے کہ میں اپنے کپتان بابر اعظم کی حمایت کروں۔ میں ان کی کپتانی میں کھیلا ہوں اور ان کے لیے احترام کے سوا کچھ نہیں ہے۔ میں میدان کے اندر اور باہر اس کی مدد کرنے کی کوشش کروں گا۔ ہم سب ایک ہیں۔ پی سی بی نے شاہین کے حوالے سے کہا کہ ہمارا مقصد ایک ہی ہے، پاکستان کو دنیا کی بہترین ٹیم بننے میں مدد کرنا۔

 اس بیان پر رد عمل کا اظہار کرتے ہوئے آفریدی نے کہا کہ حکام نے بیان جاری کرنے سے پہلے ان سے بات نہیں کی اور نہ ہی ان سے اجازت لی۔