پاک آسٹریلیا دوسرا میچ پی ٹی وی پر نشر کیوں نہیں کیا گیا؟ جانیے
Webdesk
|
26 Dec 2023
قومی سرکاری ٹی وی نے پاکستان اور آسٹریلیا کے درمیان ہونے والا دوسرا میچ اچانک براہ راست دکھانا بند کیا جس پر اب انتظامیہ نے وضاحت بھی پیش کردی ہے۔
پی ٹی وی کی جانب سے جاری وضاحتی اعلامیے میں کہا گیا ہے کہ میچ کے دوران جوئے کی کمپنی کے اشتہارات کے سبب پاک آسٹریلیا دوسرا ٹیسٹ نشر نہیں کیا گیا کیونکہ حکومت سے ایسی کمپنیوں کی تشہیر پر پابندی عائد کی ہوئی ہے۔
پی ٹی وی کی انتظامیہ نے کہا کہ اس حوالے سے براڈ کاسٹرز سے بات چیت جاری ہے۔
دوسری جانب سوشل میڈیا پر میچ پی ٹی وی پر نشر نہ کرنے پر ملا جلا ردعمل دیکھنے میں آیا اور کچھ صارفین نے اس اقدام کو دل سے سراہا۔
Pakistan Tour to Australia, Test Series airing on PTV Sports pic.twitter.com/kQJfZhynMK
واضح رہے کہ پرتھ ٹیسٹ میں پی ٹی وی اسپورٹس سے ٹیسٹ میچ نشر کیا گیا تو اس میں جوئے کی کمپنی کے اشتہارات کی تشہیر کی گئی تھی حالانکہ پرتھ کے گراؤنڈ میں ان کمپنیز کے اشتہار پینٹ نہیں تھے لیکن سافٹ ویئر کی مدد سے ورچوئل ایڈورٹائزنگ کر کے جوئے کے اشتہارات کی تشہیر کی گئی۔
Surrogates Bite - Fans Fuming
Pakistani cricket fans have been deprived of watching live first day of Pakistan-Australia 2nd Test at Melbourne due to betting, gambling company surrogates (virtual) ads appearing on TV screens.
Due to Govt’s lack of any rationale policy PTV has… pic.twitter.com/xDBoF0tzlz
بعد ازاں وزارت اطلاعات و نشریات نے صورت حال کا نوٹس لیتے ہوئے جوئے کے اشتہار نشر نہ کرنے کی ہدایت دی تھی اور پیمرا نے بھی سخت ہدایت نامہ جاری کیا تھا۔
You might not be watching Pakistan Australia test match on PTV Sports but we must appreciate the strong stance of Govt of Pakistan against surrogate betting companies. Pakistan can never support illegal money in sports and advertisement of surrogate betting companies👍. #AUSvPAK
پاکستان ٹیلی ویژن اسپورٹس کا مؤقف ہے کہ جوئے کے اشتہارات کی روک تھام کیلیے حکومت کی زیر ٹالیرنس پالیسی کو تسلیم کرتے ہیں اور ایسے اشتہارات کی روک تھام کیلیے اسٹیک ہولڈرز سے بھی رابطے کررہے ہیں۔
Comments
0 comment