پی سی بی نے ملتان سلطانز کا متبادل پلان تیار کرلیا

پاکستان کرکٹ بورڈ (پی سی بی) نے پاکستان سپر لیگ (پی ایس ایل) کی فرنچائز ملتان سلطانز کے حوالے سے بیک اپ پلان تیار کرلیا ہے تاکہ کسی بھی ممکنہ انتظامی یا مالی بحران کی صورت میں لیگ کا تسلسل متاثر نہ ہو۔

ذرائع کے مطابق، اگر ملتان سلطانز کی موجودہ رکنیت ختم ہوتی ہے تو پی سی بی نے نئے مالک یا سرمایہ کار کی تلاش کا عمل تیز کردیا ہے۔ بورڈ کے قریبی ذرائع کا کہنا ہے کہ ایک سے زائد کاروباری شخصیات نے ٹیم خریدنے میں دلچسپی ظاہر کی ہے اور ان سے ابتدائی سطح پر رابطے بھی کیے جا چکے ہیں۔

اطلاعات کے مطابق، اگر موجودہ مینجمنٹ سے مذاکرات کامیاب نہ ہوئے تو فرنچائز کو فروخت کرنے کا فیصلہ کیا جائے گا۔ پی سی بی کا مؤقف ہے کہ فرنچائز کی ویلیو ایشن کے قریب کوئی ایسا قدم نہیں اٹھایا جائے گا جس سے لیگ کی ساکھ کو نقصان پہنچے۔

پی سی بی حکام کا کہنا ہے کہ تمام فیصلے پی ایس ایل کے مفاد اور شفافیت کو مدنظر رکھتے ہوئے کیے جائیں گے تاکہ لیگ کی مقبولیت اور اعتبار برقرار رہے۔