آذربائجان کے مسافر طیارے کو راکٹ سے نشانہ بنانے کا انکشاف

قازقستان میں آذربائیجان کے مسافر طیارے کے بارے میں نئی پیشرفت یہ سامنے آئی ہے کہ مسافر طیارے کو مبینہ طور پر میزائل حملے کا نشانہ بنایا گیا ہے۔

ذرائع کا کہنا ہے کہ روسی یا چیچن فورس نے مبینہ طور پر آذربائیجان کے طیارے کو غلطی سے نشانہ بنایا۔

ذرائع کے مطابق میزائل فضا میں پھٹنے کی وجہ سے اس کے ٹکڑے مسافر طیارے کے پچھلے حصے پر لگے۔

ذرائع کے مطابق پائلٹ نے طیارے کو گروزنی میں دوبار لینڈ کرنے کی کوشش کی، تیسری بار لینڈنگ کی کوشش کے دوران مسافروں نے دھماکے کی آواز سنی۔

طیارہ حادثے میں ہلاک ہونے والے مسافروں کی تعداد 37 ہوگئی، جبکہ 28 زخمی ہیں۔ جہاز میں 67 مسافر اور 15 عملے کے ارکان شامل تھے۔