آیت اللہ علی السیستانی نے ایرانی رہنماؤں کے قتل کو جرم قرار دیدیا

بغداد: عراقی مذہبی رہنما آیت اللہ علی السیستانی نے ایران پر اسرائیلی حملوں کی مذمت کرتے ہوئے ایرانی رہنمائوں کے قتل کو جرم قرار دے دیا۔

ایرانی اخبار کے مطابق عراق کے مذہبی رہنما آیت اللہ علی السیستانی نے ایران پر حملوں اور خامنہ ای کے قتل کی دھمکیوں کے بعد پہلا بیان جاری کر دیا۔

آیت اللہ علی السیستانی نے کہا کہ ایران کی چوٹی کی مذہبی لیڈرشپ کے خلاف دھمکیاں دینے والوں کو خبردار کرتے ہیں۔انہوں نے کہا کہ ایسا کوئی بھی عمل پورے خطے کیلیے ہولناک نتائج کا سبب بنے گا۔

عراقی مذہبی رہنما کا کہنا تھا کہ ناجائز جنگ کے خاتمے کیلیے خطے کے ممالک اور عالمی برادری بھرپور کوشش کریں۔