بھارت کی اپنے شہریوں کو فوری ایران چھوڑنے کی ہدایت

 ممبئی: بھارت کی وزارتِ خارجہ کی جانب سے  ایران میں موجود اپنے شہریوں کو فوری طور پر ملک چھوڑنے کی ہدایت جاری کردی گئی ہے۔

بین الاقوامی خبر رساں ادارے کی رپورٹ کے مطابق ایران اور امریکا کے درمیان بڑھتی ہوئی کشیدگی اور ممکنہ امریکی حملے کے خدشات کے باعث بھارتی شہریوں کو ایران چھوڑنے کی ہدایت کی گئی ہے۔

تہران میں بھارتی سفارتخانے نے سوشل میڈیا پر جاری بیان میں کہا کہ ایران میں بدلتی ہوئی صورتحال کے پیش نظر جو بھارتی شہری اس وقت ایران میں موجود ہیں، وہ دستیاب ذرائع بشمول کمرشل پروازوں کے ذریعے جلد از جلد ایران چھوڑ دیں۔

بھارتی وزارتِ خارجہ کے اندازے کے مطابق ایران میں عموما تقریبا 10 ہزار بھارتی شہری موجود ہوتے ہیں۔