آبنائے ہرمز پر کنٹرول اور ٹیکس وصولی کی قرارداد منظور

ایرانی پارلیمنٹ کی قومی سلامتی کمیٹی نے آبنائے ہرمز پر کنٹرول سے متعلق ایک اہم قانون منظور کر لیا ہے۔

رپورٹس کے مطابق اس قانون کے تحت اہم بحری گزرگاہ سے گزرنے والے جہازوں سے فیس وصول کی جائے گی، جبکہ ایران کو ماحولیاتی اور حفاظتی خدمات کے نام پر ٹیکس عائد کرنے کا اختیار بھی حاصل ہوگا۔

ذرائع کا کہنا ہے کہ اس قانون میں یہ بھی طے کیا جائے گا کہ کن ممالک کے جہازوں کو اس راستے سے گزرنے کی اجازت دی جائے گی۔

رپورٹ کے مطابق مخالف ممالک کے بحری جہازوں پر سخت پابندیاں عائد کیے جانے کا امکان بھی ظاہر کیا گیا ہے۔