برطانوی بادشاہ سوئم کے انتقال کی خبر جھوٹی نکلی، روس پر الزام

روسی میڈیا نے دعوی کیا تھا کہ برطانیہ کے بادشاہ سوئم چارلس انتقال کرگئے۔

پیر کے روز اسپوتنک سمیت کئی روسی میڈیا اداروں نے بادشاہ چارلس کی موت کی خبر نشر کی۔ انہوں نے دعویٰ کیا کہ 75 سالہ بادشاہ نے کینسر کی سرجری کی پیچیدگیوں کے بعد 18 مارچ کو آخری سانس لی۔

یہ معلومات ایک سے زیادہ سوشل میڈیا پلیٹ فارمز پر تیزی سے گردش کر رہی ہیں، جس سے جلد ہی ڈیبنک ہونے سے پہلے الجھن اور خطرے کی گھنٹی پھیل گئی ہے۔

معروف اخبار کے انسٹاگرام چینل پر جب یہ خبر پھیلی تو اضطراب مزید بڑھ گیا تاہم یوکرین میں قائم برطانوی سفارت خانے نے اس حوالے سے اہم اعلامیہ جاری کرتے ہوئے روس کو برطانوی بادشاہ کی موت کی جعلی خبر دانستہ پھیلانے کا ذمہ دار قرار دے دیا۔

 ابتدائی رپورٹس کے ساتھ بکنگھم پیلس سے منسوب ایک جعلی اعلان بھی تھا، جس میں بادشاہ چارلس کی غیر متوقع موت کا اعلان کیا گیا تھا۔

روس کے خبررساں اداروں نے شاہی محل یا خاندان کے کسی فرد سے تصدیق تک نہیں کی اور جعلی خبر پھیلا دی جس سے ریاستہائے برطانیہ کے لوگ کرب کی کیفیت سے دوچار ہوئے۔

اعلامیے میں شاہی خاندان نے دنیا بھر کے نشریاتی اداروں، میڈیا آؤٹ لیٹس اور میڈیا ہاؤسز کو خبردار کیا ہے کہ وہ ان سب چیزوں سے باز رہیں۔

واضح رہے کہ اس سے قبل شاہی خاندان بادشاہ سوئم کو کینسر کی تشخیص کی تردید کرتا رہا تھا تاہم چند ماہ قبل خود شاہی خاندان نے کنگ چارلس کو کینسر کی تصدیق کی تھی۔