چارلی کرک کا مبینہ قاتل گرفتار، اہم انکشاف

امریکی صدر ڈونلڈ ٹرمپ نے اعلان کیا ہے کہ ان کے قریبی ساتھی اور قدامت پسند تجزیہ کار چارلی کرک کے قتل میں ملوث مشتبہ شخص کو گرفتار کر لیا گیا ہے۔

پولیس کے مطابق گرفتار ملزم کی شناخت 22 سالہ ٹائلر رابنسن کے نام سے ہوئی ہے، جسے چارلی کرک کے ایک قریبی شخص نے حکام کے حوالے کیا۔

یاد رہے کہ چارلی کرک کو گزشتہ روز یوٹا یونیورسٹی میں خطاب کے دوران فائرنگ کا نشانہ بنایا گیا تھا، واقعے کے بعد حملہ آور عمارت کی چھت سے کود کر فرار ہوگیا تھا۔ ایف بی آئی نے ملزم کی سی سی ٹی وی فوٹیج اور نشانیاں جاری کرتے ہوئے گرفتاری پر ایک لاکھ ڈالر انعام بھی رکھا تھا۔

پولیس نے مشتبہ ملزم کی تصویر بھی میڈیا کے سامنے پیش کردی ہے، جبکہ صدر ٹرمپ نے عندیہ دیا ہے کہ عدالت میں جرم ثابت ہونے پر اسے سزائے موت ہوسکتی ہے۔

چارلی کرک "ٹرننگ پوائنٹ یو ایس اے" کے بانی تھے، یہ تنظیم 2012 میں قائم ہوئی اور تعلیمی اداروں میں قدامت پسند نظریات کے فروغ کے لیے سرگرم رہی۔