گرل فرینڈ کو متاثر کرنے کیلیے پنجرے میں جانے والا شخص شیروں کا نوالہ بن گیا

 گرل فرینڈ کو متاثر کرنے کیلئے پنجرے میں جانے والا شخص کو شیروں نے چھیر پھاڑ کر ترنوالہ کردیا۔

غیر ملکی میڈیا کے مطابق ازبکستان کے شہر پرقند میں ایک نجی چڑیا گھر کے رکھوالے کی شیروں کے ہاتھوں موت کا دل دہلا دینے والا واقعہ پیش آیا ہے۔

رپورٹس کے مطابق چڑیا گھر میں رات کی ڈیوٹی کرنے والا 44 سالہ ایف اریسکولوف اپنی گرل فرینڈ کو متاثر کرنے کیلئے ویڈیو بنانے کی غرض سے پنجرے میں داخل ہوگیا، جو اس کیلئے جان لیوا ثابت ہوگیا۔

متوفی نے شیروں کے پنجرے میں داخل ہوکر ان کے سامنے خود اعتمادی کا مظاہرہ کرتے ہوئے کیمرے کی جانب اپنا رخ بھی کیا تھا تاکہ وہ اپنے آپ کو کیمرے میں دکھا سکے، اس دوران ہی ایک شیر نے اس پر خوفناک انداز میں حملہ کردیا اور باقی شیر بھی اس پر جھپٹ پڑے، اور اس کے چہرے کو لہولہان کرتے ہوئے جسم کا کچھ حصہ بھی کھالیا۔

واقعے کی اطلاع ملنے پر ریسکیو ادارے موقع پر پہنچے اور شیروں کو بے ہوش کر کے باقی کا دھڑ نکالا جبکہ ایک شیر کو گولی مار کر ہلاک کردیا۔