غزہ میں جاری نسل کشی، کولمبیا نے اسرائیل سے تعلقات منقطع کردیے

کولمبیا نے غزہ میں جاری مظالم اور فلسطینیوں کی نسل کشی پر اسرائیل سے سفارتی تعلقات ختم کرنے کا اعلان کردیا۔

یہ اعلان کولمبیا کے صدر نے خود کیا اور گستاو پیٹرو نے کہا ہے کہ ان کا ملک غزہ پر وحشیانہ بمباری کے خلاف احتجاجاً اسرائیل کے ساتھ سفارتی تعلقات منقطع کردے گا۔

انہوں نے کہا کہ اسرائیلی حکومت فلسطینیوں کی نسل کشی کر رہی ہے۔ ہم غزہ میں ہونے والے فلسطینیوں کی نسل کشی اور تکالیف کا درد سمجھتے ہیں۔

صدر گسٹاو پیٹرو نے کہا کہ کولمبیا کل سے اسرائیل کے ساتھ تعلقات منقطع کر دے گا۔