حکومت کا تختہ الٹنے میں ملوث غیرملکیوں سمیت 37 افراد کو سزائے موت

حکومت کا تختہ الٹنے کے الزام میں کانگو کی فوجی عدالت نے تین امریکیوں سمیت 37 افراد کو موت کی سزا دینے کا فیصلہ سنادیا۔

کنساشا میں فوجی عدالت  سے سزا پانے والوں میں تین امریکی، ایک برطانوی اور ایک بلیجیئم کا شہری بھی شامل ہے۔ فیصلے میں لکھا گیا ہے کہ حکومت کا تختہ الٹنے اور بغاوت میں ملوث 37 افراد سخت سزا کے مستحق ہیں جو صرف موت کی صورت ہی ہوسکتی ہے۔

غیرملکی تارکین کے وکلا نے کہا ہے کہ ابھی یہ دیکھنا باقی ہے کہ اُن کے مؤکلین پر اس کا اطلاق ہوتا ہے یا نہیں۔ دوسری جانب عدالت نے فیصلے کو چلینج کرنے کیلیے ملزمان کو پانچ دن میں اپیل دائر کرنے کا وقت دیا ہے۔