حکومت نے عید الفطر کی تعطیلات کا اعلان کردیا

متحدہ عرب امارات کی حکومت نے ماہرین کی پیش گوئی پر عید الفطر کی تعطیلات کا ابھی سے اعلان کردیا۔

متحدہ عرب امارات کے ماہرین فلکیات نے پیش گوئی کی ہے کہ امارات میں 12 مارچ کو پہلا روزہ جبکہ رواں سال پورے تیس روزے ہوں گے۔

اس کے پیش نظر حکومت نے 29 رمضان سے تین شوال تک چھٹیوں کا اعلان کیا ہے۔ جو ہفتے تک پانچ جبکہ اتوار کو ملا کر چھ چھٹیاں بنتی ہیں۔

تاہم اگر رمضان المبارک 29 دن کا ہوا تو امارات میں ہفتے کے روز دفاتر کھلیں گے۔ عرب میڈیا کے مطابق متحدہ عرب امارات میں رمضان المبارک کا چاند دیکھنے کیلیے کمیٹی کا اجلاس 10 مارچ کو ہوگا۔