’ہم غزہ سے نہیں جارہے اور یہیں دفن ہونا پسند کریں گے‘ : فلسطینی خواتین کا دو ٹوک پیغام

غزہ سے تعلق رکھنے والی دو فلسطینی خواتین نے اسرائیلی وزیر اعظم بنجمن نیتن یاہو، امریکی صدر جو بائیڈن اور امریکی وزیر خارجہ انٹونی بلنکن کیلیے جاری پیغام میں کہا ہے کہ وہ اپنا علاقہ اور شہر چھوڑ کر کسی صورت بھی ہجرت نہیں کریں گی۔ 

خواتین نے اپنے پیغام میں کہا کہ "ہم یہاں غزہ میں کھڑے ہیں، اپنے عزم پر ثابت قدم ہیں۔ ہم اپنے عزم پر ثابت قدم ہیں۔ ہم جنوب کی طرف نہیں جائیں گے اور یہی رہیں گے۔

خواتین نے کہا کہ یہ پیغام نیتن یاہو کو بھیجیں، بلنکن کو، بائیڈن کو اور تمام صدور کو بھی بھیجیں۔ یہاں غزہ میں ہیں ہم غزہ چھوڑ کر نہیں جا رہے ہیں یہاں تک کہ اگر ہم یہاں غزہ میں دفن ہو جائیں تو یہ ہمارے لیے زیادہ اعزاز کی بات ہے کہ ہم یہاں رہ رہے ہیں۔

خواتین نے مزید کہا کہ "جنوبی علاقہ بھی محفوظ نہیں ہے۔ ہم 11 ماہ سے، ہم یہاں بھوک، پیاس، خوراک کی کمی، وسائل کی کمی اور صاف پانی کی کمی کے باعث یہاں رہ رہے ہیں۔ ہمارے پاس پینے کا صاف پانی بھی نہیں ہے لیکن ہمارے پاس صبر کرو۔"

یہ پیغام امریکی وزیر خارجہ انٹونی بلنکن کے غزہ میں جنگ بندی کے لیے قطر کے دورے کے بعد سامنے آیا ہے۔ امریکی سیکریٹری خارجہ انٹونی بلنکن نے اسرائیل کے وزیر اعظم بینجمن نیتن یاہو سے مشورہ کیا، جنہوں نے غزہ میں جنگ بندی کے لیے "پل کی تجویز" کو قبول کر لیا ہے۔

اسرائیل نے 7 اکتوبر سے غزہ میں 40,000 سے زیادہ افراد کو ہلاک اور 90,000 سے زیادہ کو زخمی کیا ہے۔