ہزاروں امریکی شہریوں نے آزاد فلسطینی ریاست کے قیام کے حق میں فیصلہ سنادیا

رائٹرز اور اپسوس کے تازہ سروے کے مطابق امریکی شہریوں کی اکثریت نے فلسطین کو بطور ریاست تسلیم کرنے کی حمایت کر کے  صدر ڈونلڈ ٹرمپ کے مؤقف کی مخالفت کردی۔

سروے میں 59 فیصد شرکاء نے فلسطینی ریاست کے حق میں رائے دی، جب کہ 33 فیصد نے مخالفت کی۔

ڈیموکریٹس میں حمایت کی شرح 80 فیصد جبکہ ری پبلکن میں 41 فیصد رہی۔

رپورٹ کے مطابق، 60 فیصد امریکیوں نے اسرائیل کے غزہ میں ردعمل کو “حد سے زیادہ” قرار دیا، جبکہ 51 فیصد کا کہنا تھا کہ اگر ٹرمپ امن معاہدہ کرانے میں کامیاب ہوتے ہیں تو وہ اس کا کریڈٹ لینے کے حقدار ہوں گے۔

یہ سروے 15 سے 20 اکتوبر 2025 کے دوران 4,385 امریکی شہریوں سے کیا گیا، جو ظاہر کرتا ہے کہ فلسطین سے متعلق امریکی عوام کی رائے، حکومت کے مؤقف سے مختلف ہے۔