جمائما کے بھائی زیک گولڈاسمتھ پر ڈرائیونگ کرنے پر پابندی عائد

برطانیہ میں جمائما کے بھائی زیک گولڈاسمتھ پر ٹریفک قوانین کی مسلسل خلاف ورزی کرنے کے باعث ڈرائیونگ کرنے پر پابندی عائد کردی گئی ہے۔

غیر ملکی ذرائع ابلاغ کے مطابق جمائما کے بھائی زیک گولڈاسمتھ کو 8 ہزار 200 پاؤنڈ جرمانہ بھی ادا کرنے کا حکم دیا گیا ہے۔جمائما کے بھائی زیک گولڈاسمتھ پر پابندی کا اطلاق ایک سال تک رہے گا۔

رپورٹ کے مطابق زیک گولڈاسمتھ مئی 2022 سے گزشتہ برس مارچ تک چار مرتبہ اور گزشتہ برس مئی سے دسمبر تک 7 مرتبہ تیز رفتار ڈرائیونگ کے باعث قانون کی زد میں آئے ہیں۔

زیک گولڈاسمتھ 2 برس کے دوران 11 مرتبہ ٹریفک قواعد کی خلاف ورزی پر پکڑے گئے،زیک گولڈاسمتھ کو ویسٹ منسٹر مجسٹریٹس کورٹ میں سزا سنائی گئی، ان کے لائسنس پر 12 پینالٹی پوائنٹس لگائے گئے ہیں۔

واضح رہے کہ جمائما کے بھائی زیک گولڈاسمتھ (پی ٹی آئی) کی سابقہ اہلیہ جمائما گولڈاسمتھ کے بھائی ہیں۔