کم جونگ کی جنسی تسکین کیلئے ہر سال کتنی لڑکیوں کا انتخاب ہوتا ہے؟

 ملک سے فرار ہونے والی نوجوان خاتون یونمی پارک نے شمالی کوریا کے سربراہ کم جونگ کے بارے میںسنسنی خیز انکشافات کیے ہیں۔

بین الاقومی خبر رساں ادارے کی رپورٹ کے مطابق یونمی پارک کی جانب سے انکشاف کیا گیا کہ کم جونگ ان جنسی تسکین کے لیے ہر سال 25 کنواری لڑکیوں کا انتخاب کرتے ہیں، ان خواتین کو ان کی شکل اور سیاسی وفاداری کی بنیاد پر منتخب کیا جاتا ہے۔

خاتون نے دعویٰ کیا کہ انہیں کم جونگ کے 'Pleasure squad' کے لیے 2 بار منتخب کیا گیا تھا لیکن خاتون کی خاندانی حیثیت کے باعث انہیں نہیں چنا گیا۔

یونمی پارک کا کہنا تھا کہ وہ ہر اسکول اور کلاس روم کا دورہ کرتے ہیں کہ کوئی خوبصورت خاتون ان کی نظر سے بچ نہ جائے، جب انہیں کچھ خوبصورت لڑکیاں مل جاتی ہیں، تو وہ سب سے پہلے ان کی خاندانی و سیاسی پس منظر کا جائزہ لیتے ہیں۔

خاتون کا دعویٰ تھا کہ جب اسکواڈ میں شامل لڑکیوں کی عمر 25 برس سے اوپر پہنچ جاتی ہے تو ان کی مدت ملازمت ختم ہو جاتی ہے، ان میں سے بعض لڑکیوں کی شادیاں اکثر کم جونگ کے محافظوں سے کروادی جاتی ہے۔

یونمی پارک کا مزید کہنا تھا کہ اس Pleasure squad کی ابتدا 1970 کی دہائی میں کم جونگ کے والد کم جونگ دوم سے ہوئی جن کا ماننا تھا کہ جنسی تسکین انہیں امر کر دے گی۔