امریکی صدر نے ایران پر حملے کے منصوبے کی منظوری کی خبر کو مسترد کر دیا

امریکی صدر ڈونلڈ ٹرمپ  نے  ایران  پر حملے کے منصوبے کی منظوری کی خبر کو مسترد کر دیا۔

امریکی صدر ٹرمپ کا اپنے سوشل میڈیا اکاؤنٹ پر جاری بیان میں کہنا تھا کہ امریکی اخبار کو آئیڈیا نہیں کہ میں ایران کے بارے میں کیا سوچ رہا ہوں۔

واضح رہے کہ امریکی اوربرطانوی اخبارات نے خبردی تھی کہ ٹرمپ نے ایران پر حملے کی منظوری دے دی ہے۔

امریکی اخبار وال اسٹریٹ جرنل نے اپنی رپورٹ میں دعوی کیا تھا کہ ٹرمپ نے منگل کی رات سینئر مشیروں کو بتایا کہ انہوں نے ایران پر حملے کے منصوبے کی منظوری دے دی ہے لیکن فی الحال حتمی حکم نہیں دیا تاکہ دیکھا جاسکے کہ آیا ایران اپنا جوہری پروگرام ترک کرتا ہے یا نہیں۔