انشورنس کی رقم کی لالچ میں بیٹے نے باپ کو موت کی نیند سلادیا

بہاولپور میں انشورنس کی رقم کے لالچ میں سگے بیٹے نے باپ کو موت کی نیند سلادیا۔

پولیس کا کہنا ہے کہ یہ واقعہ ضلع بہالپور کے علاقے یزمان میں پیش آیا جہاں بیٹے نے انشورنس کی رقم ہتھیانے کے لیے اپنے ہی باپ کی جان لے لی۔

پولیس کے مطابق ملزم نے ایک ہفتہ قبل ڈکیتی کا ڈرامہ رچا کر اپنے باپ غلام شبیر کو قتل کردیا تھا۔

ملزم نے 15 پر ڈکیتی اور اپنے والد کے قتل کی اطلاع دی تھی، دوران تفتیش ملزم نے فائرنگ کرکے اپنے باپ کو قتل کرنے کا اعتراف کرلیا۔قتل کے الزام میں بیٹے سمیت 2 ملزمان کو گرفتار کیا گیا ہے جن سے مزید تفتیش جاری ہے۔

ملتان کے علاقے مخدوم رشید میں بیٹے نے فائرنگ کرکے باپ کو قتل کردیا، پولیس نے ملزم کو گرفتار کرلیا ہے۔

پولیس کے مطابق ملزم نے پولیس کو بیان دیا ہیکہ اس کا والد میری بیوی کے ساتھ جھگڑتا اور لڑتا رہتا تھا اور برا بھلا کہتا تھا، اس وجہ سے میں نے طیش میں آکر اپنے باپ کو موت کی نیند سلادیا۔