پاسداران انقلاب نے اسرائیل کے خلاف مشترکہ حملوں کا ایک نیا مرحلہ شروع کردیا

ایران: پاسداران انقلاب نے اسرائیل کے خلاف مشترکہ حملوں کے ایک نئے مرحلے کے آغاز کا اعلان کیا۔

میڈیارپورٹس کے مطابق پاسداران انقلاب کے بیان میں کہا گیا ہے کہ حیفا اور تل ابیب کے شہروں میں فوجی اہداف اور فوجی صنعت سے منسلک صنعتی مراکز کے خلاف میزائلوں اور ڈرونز کا استعمال کرتے ہوئے مشترکہ حملوں کی ایک نئی لہر شروع کی گئی ہے۔

بیان میں یہ بھی کہا گیا ہے کہ ڈرون آپریشن میں 100 سے زیادہ حملے کیے گئے اور خودکش ڈرونز نے فوجی اہداف کو نشانہ بنایا ہے۔ خاص طور پر حیفا اور تل ابیب میں فضائی دفاعی نظام کو نشانہ بنایا گیا۔

 فوجی اہداف اور دفاعی صنعتوں پر مرتکز میزائل حملے جاری رہیں گے اور بڑھیں گے۔ اسی دوران ایرانی پاسداران انقلاب نے اسرائیل پر میزائل داغنے کی تصاویر بھی جاری کردیں ۔