سعودی عرب: عمرہ زائرین کی بس کو حادثہ، 5 پاکستانی جاں بحق

سعودی عرب میں عمرہ زائرین کی بس حادثے کا شکار ہوگئی، جس کے باعث 5 پاکستانی جاں بحق ہوگئے۔ جبکہ متعدد افراد زخمی بھی ہوئے ہیں۔

سعودی خبر رساں ادارے کی رپورٹ کے مطابق عمرہ زائرین کی بس البدر سے مدینہ منورہ جاتے ہوئے ٹرالر سے ٹکرا کر حادثے کا شکار ہوئی۔ بس میں سوار پاکستان سے تعلق رکھنے والی 3 خواتین سمیت 5 افراد جاں بحق ہوگئے، متعدد عمرہ زائرین زخمی بھی ہیں۔

ریسکیو ذرائع کا کہنا ہے کہ لاشوں اور زخمیوں کو قریبی اسپتالوں میں منتقل کر دیا گیا ہے، زخمیوں میں خواتین، بچے اور بزرگ شامل ہیں۔

ذرائع کے مطابق جاں بحق خواتین اور مردوں کا تعلق پاکستان کے ضلع بہاولنگر سے ہے۔

جاں بحق خواتین میں سے دو خواتین کا تعلق ضلع بہاولنگر کے گاں 228 نائن آر سے ہے اور تیسری خاتون کا تعلق بہاولنگر کے نواحی گاں 201 مراد سے ہے۔

مردوں میں ایک بزرگ کا تعلق نواحی گاں 39 تھری آر سے ہے اور دوسرے بزرگ کا تعلق ڈاہرنوالہ شہر سے بتایا جا رہا ہے۔