اسرائیل کے میزائل ڈیفنس انٹرسیپٹرز کم ہوتے جا رہے ہیں، امریکی اخبار کا دعویٰ

امریکی اخبار وال اسٹریٹ جرنل کی رپورٹ میں انکشاف ہوا ہے کہ اسرائیل کے دفاعی میزائل ختم ہونے کے بعد ایران کے میزائل روکنے میں ناکامی کا خدشہ پیدا ہوگیا ہے۔  

امریکی اخبار اسٹریٹ جرنل کی ایک رپورٹ کے مطابق اسرائیل کے میزائل ڈیفنس انٹرسیپٹرز کم ہوتے جا رہے ہیں، جس کی وجہ سے اس کی فوج ایران کے طویل رینج بالسٹک میزائلز سے مقبوضہ علاقوں کا دفاع کرنے میں مزید مشکلات کا شکار ہو سکتی ہے۔

 ایک نامعلوم امریکی اہلکار نے بتایا کہ واشنگٹن کو اس کمی کا پہلے سے علم تھا، اور اب وہ اسرائیل کو زمینی، فضائی اور بحری دفاع کے لیے اضافی ہتھیار فراہم کر رہا ہے۔  

رپورٹ میں یہ بھی اشارہ کیا گیا ہے کہ اگر ایران نے مزید میزائل حملے کیے تو اسرائیل کے پاس انہیں روکنے کے لیے کافی انٹرسیپٹرز نہیں ہوں گے، جس سے خطے میں تناؤ مزید بڑھ سکتا ہے۔