اسرائیلی حملوں میں مزید 95 فلسطینی شہید

غزہ میں اسرائیلی حملوں میں 24 گھنٹوں میں مزید 95 فلسطینی شہید اور 350 زخمی ہوگئے۔

غزہ کی وزارت صحت کا کہنا ہے کہ غزہ میں اسرائیلی حملوں میں شہید فلسطینیوں کی تعداد 36 ہزار 379 ہوگئی جبکہ 82 ہزار 407 فلسطینی زخمی ہوچکے ہیں۔

دوسری جانب امریکی ریاست اوکلاہوما میں غزہ میں اسرائیلی مظالم کے خلاف احتجاج کیا گیا۔

 مظاہرین نے ’قبضہ جرم ہے‘، ’اسرائیل فلسطین سے نکلو‘ کے نعرے لگائے۔

ادھر قطر اور مصر نے امریکی صدر بائیڈن کی جانب سے جنگ بندی کے معاہدے کو حتمی شکل دینے کا مطالبہ بھی کیا ہے۔