اسرائیلی حملے میں ایرانی صدر زخمی، تہران کی تصدیق

15 جون کو ایران اور اسرائیل کے درمیان 12 روزہ جنگ کے دوران ایران کے صدر مسعود پزشکیان ایک اعلیٰ سطحی حکومتی اجلاس کے دوران اسرائیلی میزائل حملے سے بال بال بچ گئے۔ 

یہ حملہ اس وقت ہوا جب ایران کی سپریم نیشنل سیکیورٹی کونسل کا اجلاس جاری تھا۔

رپورٹس کے مطابق اسرائیلی فورسز نے اجلاس کے مقام پر چھ میزائل داغے، جن کا مقصد ایران کی تینوں حکومتی شاخوں کے سربراہان کو ختم کرنا اور حکومت کو غیر مستحکم کرنا تھا۔ میزائلوں کو عمارت کے داخلی اور خارجی راستوں پر نشانہ بنایا گیا تاکہ فرار کے راستے بند کیے جائیں اور وینٹی لیشن سسٹم منقطع کیا جائے۔

صدر پزشکیان کو اس واقعے میں ٹانگ پر معمولی چوٹ آئی، لیکن وہ دیگر سینئر عہدیداروں کے ہمراہ ایک پہلے سے طے شدہ محفوظ مقام پر منتقل کر دیے گئے۔

حملے کی درستگی کی وجہ سے ایرانی حکام کو اندرونی جاسوسی کا شبہ ہے۔ حکام نے ایک تفتیش شروع کی ہے تاکہ ممکنہ اسرائیلی مخبر کی شناخت کی جائے جس نے اجلاس کے وقت اور مقام کی معلومات لیک کی ہوں۔

ایران کی فارس نیوز ایجنسی کے مطابق، اسی طرح کا ایک حملہ سابق حزب اللہ رہنما حسن نصراللہ کو نشانہ بنانے کے لیے بھی کیا گیا۔

اس سے قبل 13 جون کو اسرائیل نے ایران کے جوہری تنصیبات، فوجی اڈوں اور شہری علاقوں پر وسیع پیمانے پر حملے کیے۔ ایرانی حکام کے مطابق اس حملے میں کم از کم 606 شہری ہلاک اور 5,000 سے زائد زخمی ہوئے۔

جوابی کارروائی میں ایرانی فورسز نے اسرائیلی مقامات کو نشانہ بنایا، جس کے نتیجے میں 29 شہری ہلاک اور 3,400 سے زائد زخمی ہوئے۔ 24 جون کو امریکہ کی زیر قیادت سفارتی مداخلت کے بعد تنازع میں کمی آئی، لیکن خطے میں کشیدگی اب بھی برقرار ہے۔