ترکیہ کا بڑا کمال، روس اور یوکرین میں پہلے براہ راست مذاکرات میں بڑی پیشرفت متوقع

روس اور یوکرین دونوں ممالک کی جانب سے تین سالوں میں پہلی براہ راست امن بات چیت کرنے پر اتفاق کیا ہے۔

 روسی صدر ولادیمیر پوٹن کی جانب سے یوکرائنی صدر وولودیمیر زیلنسکی کی ترکیہ میں براہ راست ملاقات کی پیشکش کو مسترد کرنے کے بعد پیش رفت کی امیدیں کم ہیں۔

زیلنسکی نے کہا کہ وہ اپنی ٹیم جس کی سربراہی ان کے وزیر دفاع کر رہے ہیں، استنبول بھیج رہے ہیں تاکہ مذاکرات کیے جا سکیں، یہاں تک کہ انہوں نے یہ بھی کہا کہ روسی وفد میں "کوئی ایسا شخص شامل نہیں ہے جو درحقیقت فیصلے کرتا ہو"، اور ماسکو پر جنگ ختم کرنے کی کوششیں نہ کرنے کا الزام لگایا۔

زیلنسکی کا یہ اعلان جمعرات کو کریملن کی جانب سے یہ کہنے کے بعد سامنے آیا کہ پوٹن کا ترکیہ میں ان سے ملاقات کرنے کا کوئی ارادہ نہیں ہے، اور اس کی بجائے ایک جونیئر وفد مجوزہ مذاکرات کے لیے بھیجا جا رہا ہے – جسے ایسٹونیا کے وزیر خارجہ مارگس تسخنا نے "منہ پر طمانچہ" قرار دیا۔

پوٹن کی عدم موجودگی سے جنگ بندی کی کوششوں میں پیش رفت کی امیدیں دم توڑ گئیں، جنہیں حالیہ مہینوں میں ٹرمپ انتظامیہ اور مغربی یورپی رہنماؤں نے آگے بڑھایا تھا۔ اس سے یہ امکان بھی بڑھ گیا کہ یوکرین کے کچھ اتحادی روس پر مزید پابندیاں عائد کر سکتے ہیں۔

زیلنسکی نے کہا کہ یوکرائنی وفد کی سربراہی وزیر دفاع رستم عمروف کریں گے جس کا مقصد "کم از کم کشیدگی میں کمی کی جانب پہلے قدم، جنگ کے خاتمے کی جانب پہلے قدم – یعنی جنگ بندی – کی کوشش کرنا" ہے۔

روس کی ٹیم کی سربراہی صدارتی مشیر ولادیمیر میڈنسکی کر رہے ہیں، جو ایک سابق وزیر ثقافت ہیں۔ انہوں نے مزید کہا کہ انہیں توقع ہے کہ یوکرین کے نمائندے جمعہ کو مقامی وقت کے مطابق صبح 10 بجے (07:00 GMT) استنبول میں بات چیت کے لیے پہنچ

یں گے۔