ٹرمپ کا حلف اٹھاتے ہی ٹک ٹاک بحال کرنے کا اعلان

امریکا کے نومنتخب صدر ٹرمپ نے کہا ہے کہ عہدے کا حلف اٹھانے کے فوری بعد وہ پہلا کام جوبائیڈن کے تمام ایگزیکٹیو آڈر منسوخ کردیں گے اور ٹک ٹاک بحال کریں گے کیونکہ انہیں خود یہ پسند ہے۔

واشنگٹن میں اپنے حامیوں کی ریلی سے خطاب میں ٹرمپ نے کہا کہ ٹک ٹاک ایپ مجھے بہت پسند ہے اس کو بحال کر کے 50 فیصد شیئرز امریکا کی ملکیت کرواؤں گا۔

ٹرمپ نے اعتراف کیا کہ ہم نے الیکشن میں بڑی مشکل سے کامیابی حاصل کی، اب ہم ریاستہائے امریکا کو عظیم بنائیں گے اور بدنام اسٹیبلشمنٹ سے ملک کو نجات دلائیں گے۔

نومنتخب صدر نے کہا کہ امریکی سرحدوں کو محفوظ بنائیں گے اور دراندازی روکیں گے۔ میرے صدارت سنبھا لنے سے پہلے ہی تبدیلیاں آرہی ہیں، ہم تاریخی رفتار اور طاقت سے کام کریں گے۔