آئی سی یو میں زیرعلاج مریضہ سے ڈاکٹر کی زیادتی

بھارتی ریاست راجستھان کے ضلع الور میں ایک ڈاکٹر نے آئی سی میں زیرعلاج لڑکی کو جنسی زیادتی کا نشانہ بنا ڈالا۔

بھارتی میڈیا رپورٹ کے مطابق ضلع الور میں واقع نجی اسپتال کے انتہائی نگہداشت وارڈ میں داخل چوبیس سالہ مریضہ کو چراغ یادو نامی ڈاکٹر نے رات کی تاریکی میں زیادتی کا نشانہ بنایا۔

مریضہ کو پھیھپڑوں کے انفیکشن کی وجہ سے اسپتال لایا گیا جس کے بعد انہیں ڈاکٹرز نے آئی سی یو میں ایڈمٹ کردیا گیا تھا۔

لڑکی کے مطابق ڈاکٹر نے اُسے پہلے ایک انجکشن لگایا جس کے بعد اُسے ہوش نہیں رہا اور پھر جب ہوش آیا تو وہ حالت غیر میں تھی۔ اسپتال سے پولیس نے سی سی ٹی وی فوٹیج قبضے میں لی جس میں ڈاکٹر کو مریضہ کے بیڈ کے قریب جاتے اور پردہ کھینجتے ہوئے دیکھا گیا ہے۔

پولیس نے ملزم کو حراست میں لیکر پوچھ گچھ شروع کردی اور واقعے کی ایف آئی آر بھی درج کرلی ہے۔