ایران کے پاکستان پر میزائل حملے

ایران نے پاکستان کی حدود میں میزائلوں سے حملہ کر کے بلوچستان کی حدود میں مبینہ طور پر بلوچ عسکریت پسند گروپ جیش العدل کے دو ٹھکانوں تباہ کردیا جبکہ جھڑپ میں متعدد علیحدگی پسندوں کو مارنے کا دعوی کیا ہے۔

خبررساں ادارے نے ایرانی سرکاری میڈیا کی خبر کو بنیاد بنا کر لکھا کہ ایران نے دونوں ٹھکانے ڈرونز اور میزائل حملے میں تباہ کیے۔  

روئٹرز کے مطابق مذکورہ گروپ نے پاکستانی سرحد سے متصل ایرانی علاقوں میں سکیورٹی فورسز پر حملے بڑھا دیے تھے۔

ایران کے سرکاری میڈیا کے حوالے سے مزید بتایا تھا کہ سیستان بلوچستان کے قصبے رسک میں ہونے والی جھڑپوں میں جیش العدل کے متعدد ارکان بھی مارے گئے۔

دوسری جانب پاکستانی دفتر خارجہ سے اس خبر کی کوئی تردید یا تصدیق اور نہ ہی کوئی ردعمل جاری کیا گیا ہے۔