ایران نے جنگ بندی کے 24 گھنٹوں کے اندر 3 موساد ایجنٹس کو پھانسی دے دی

ایران نے اسرائیلی خفیہ ادارے موساد کے کیلیے کام کرنے والے مزید تین ایجنٹوں کو پھانسی دے دی۔

ایران نے جنگ بندی کے چوبیس گھنٹے بعد ہی موساد کے لیے کام کرنے کے الزام میں گرفتار تین ملزمان کو پھانسی دی۔

عدالت کی جانب سے ادریس علی، آزاد شجاعی اور رسول احمد رسول کو قتل کے لیے سامان اسمگل کرنے اور اسرائیل سے تعاون کے جرم میں قصوروار ٹھہرایا گیا۔

عدالت نے تینوں مجرموں کو ارومیہ شہر میں آج صبح پھانسی دے دی گئی، جو کہ ترکی کی سرحد کے قریب واقع ہے۔ 

ملزمان کی جانب سے اسمگل کردہ ہتھیار ایک نامعلوم شخصیت کے قتل میں استعمال ہوئے، تاہم مقتول کے بارے میں تفصیلات جاری نہیں کی گئیں۔ 

پھانسی سے قبل تینوں افراد کی تصاویر نیلے قیدی لباس میں ایرانی میڈیا نے شائع کیں۔ خیال رہے کہ ایران کی جانب سے اکثر ایسے افراد پر مقدمہ چلایا جاتا ہے جن پر موساد یا دیگر غیر ملکی انٹیلیجنس اداروں کے لیے جاسوسی کا شبہ ہو۔