دنیا بھر میں بوڑھے افراد کی تعداد میں حیران کن اضافہ

دنیا میں طویل العمر افراد کی تعداد میں بڑا اضافہ، جاپان ایک بار پھر سب سے آگے نکل گیا۔

بین الاقوامی رپورٹس کے مطابق دنیا بھر میں 100 یا اس سے زائد عمر رکھنے والے افراد کی تعداد میں ایک دہائی کے دوران حیران کن حد تک اضافہ ہوا ہے اور یہ ماضی کے مقابلے میں کہی زیادہ ہے۔

تازہ اعداد و شمار کے مطابق سال 2024 تک دنیا بھر میں سینٹینیرینز کی تعداد بڑھ کر 9 لاکھ 35 ہزار سے بھی تجاوز کر گئی، جو 2009 کے مقابلے میں تقریباً دو گنا ہے۔

ورلڈ پاپولیشن ریویو کے مطابق جاپان طویل العمر افراد کی مجموعی تعداد میں پہلے نمبر پر ہے, جہاں 1 لاکھ 23 ہزار سے زائد افراد 100 سال یا اس سے زیادہ عمر کے ہیں۔

امریکا، چین اور بھارت بالترتیب دوسرے، تیسرے اور چوتھے نمبر پر ہیں، جو اس بڑھتی ہوئی عالمی رجحان کی عکاسی کرتے ہیں کہ لوگ پہلے کے مقابلے میں زیادہ صحت مند اور طویل زندگی گزار رہے ہیں۔