گھروں سے چھپکلیاں بھگانے کے گھریلو آسان ٹوٹکے

بہت سے لوگوں کو چھپکلیاں بالکل پسند نہیں ہوتیں اور وہ انہیں دیکھ کر خوفزدہ ہو جاتے ہیں، حالانکہ وہ نقصان دہ نہیں ہوتیں۔

اگر آپ بھی ان لوگوں میں سے ہیں جو اپنے گھر میں چھپکلیوں کو دیکھ کر پریشان ہوتے ہیں، تو یہ خبر آپ کے لیے ہے۔ ہم آپ کو بتائیں گے کہ کیسے آپ بغیر کسی کیمیائی اسپرے کے ان سے چھٹکارا پا سکتے ہیں۔

 چھپکلیوں کے داخلے پر پابندی

  چھپکلیاں گھروں میں چھوٹی دراڑوں، کھڑکیوں، دروازوں اور باتھ روم کی کھڑکیوں سے داخل ہوتی ہیں۔ انہیں روکنے کے لیے ان تمام جگہوں کو سیمنٹ سے بند کریں اور دروازوں پر ربڑ کی پٹیاں اور کھڑکیوں پر جالی لگائیں۔

 گھر کی صفائی

  چھپکلیاں ایسی جگہوں پر آتی ہیں جہاں کیڑے مکوڑے اور مچھر مکھی ہوں، کیونکہ یہ ان کی خوراک ہیں۔ اس لیے اپنے گھر کو ہمیشہ صاف رکھیں، رات کو برتن دھو کر رکھیں، روزانہ کچرے کی بالٹی خالی کریں، اور کھانا کھلا نہ چھوڑیں۔

 چھپنے کی جگہیں ختم کریں

  چھپکلیاں الماریوں، شیلف اور بے ترتیب جگہوں پر چھپتی ہیں۔ انہیں دور رکھنے کے لیے ان تمام جگہوں کو اچھی طرح صاف کریں، غیر ضروری سامان ہٹا کر جگہ کو منظم کریں، اور کھانے کی چیزوں کو مناسب ڈبوں میں رکھیں۔

گھریلو ٹوٹکا (اسپرے)

  اگر آپ کیمیائی اسپرے سے بچنا چاہتے ہیں تو کالی مرچ یا لال مرچ کے پاؤڈر کو پانی میں ملا کر اسپرے بنائیں۔ اس اسپرے کو ان جگہوں پر استعمال کریں جہاں سے چھپکلیوں کے داخل ہونے کا خدشہ ہو، اور بہترین نتائج کے لیے اسے بار بار استعمال کریں۔

 پیاز اور لہسن کا کمال

  پیاز اور لہسن کی تیز خوشبو چھپکلیوں کو دور بھگانے میں بہت مؤثر ہے۔ ان کے ٹکڑے اور گٹھلیاں گھر کے ممکنہ داخلی راستوں پر رکھیں۔

 پودینے کا تیل

  پودینے یا یوکلپٹس جیسے خوشبودار ضروری تیل کو روئی میں جذب کر کے یا براہ راست چھپکلیوں والی جگہوں پر اسپرے کریں۔ اس سے وہ دور رہتی ہیں۔

 انڈوں کے چھلکے کا ٹوٹکہ

  انڈوں کے چھلکوں سے پیدا ہونے والی بدبو چھپکلیوں کو گھر سے دور رکھتی ہے۔ ان چھلکوں کو دروازوں، کھڑکیوں اور کچن کے قریب رکھیں۔

یہ گھریلو ٹوٹکے کسی سائنسی تحقیق میں نہیں البتہ بزرگوں کے رائج کردہ آزمودہ طریقے ہیں جو نسل در نسل چلتے آرہی ہے ان کو اپنا کر آپ اپنے گھر کو چھپکلیوں سے محفوظ رکھ سکتے ہیں اور انہیں دوبارہ داخل ہونے سے روک سکتے ہیں۔

کیا آپ نے کبھی ان میں سے کوئی طریقہ آزمایا ہے؟ کمنٹس میں ضرور بتائیں