جنوبی کوریا میں 16سال بعد خاتون کی لاش مل گئی

سیول : جنوبی کوریا میں 16 سال سے لاپتہ خاتون کی لاش مل گئی۔خاتون کے دوست کو قتل کے الزام میں گرفتار کر لیا گیا ہے۔

برطانوی نشریاتی ادارے کے مطابق جنوبی کوریا کے شہر جیوجے میں خاتون کے دوست نے جھگڑے کے دوران سر پر بھاری چیز مار کر خاتون کو قتل کر دیا تھا۔

ملزم نے بعد ازاں لاش کو سوٹ کیس میں رکھ کر فلیٹ کی بالکونی میں دفنا دیا تھا۔پچھلے ماہ مزدور کو ڈرلنگ کے دوران سوٹ کیس ملا جس میں خاتون کی لاش کی باقیات موجود تھیں۔

فنگر پرنٹس سے معلوم ہوا کہ ملنے والی لاش 16 سال پہلے لاپتہ ہونے والی خاتون کی ہے۔واقعے کے بعد ملزم 8 سال تک اسی اپارٹمنٹ میں رہا جس کے بعد سے اپارٹمنٹ خالی تھا۔