خالہ کی شادی پر تصاویر لینے والے شخض نے پیسے نہ ملنے پر تمام تصاویر ڈیلیٹ کردیں

اپنی خالہ کی شادی کی تصاویر لینے والے ایک شخص نے پیسے دینے سے انکار کرنے پر ان سب تصاویر کو ڈیلیٹ کرنے کے بعد نئی بحث چھیڑ دی ہے۔

Reddit پر اس شخص کی ماں نے خاندانی جھگڑے کا پردہ فاش کیا ،جو پلیٹ فارم پر یہ پوچھنے کے لیے پہنچی ، کہ کیا میرا بیٹا اپنی خالہ کی شادی کی تصاویر کو ڈیلیٹ کرنے کاسوچ سکتا ہے؟

خاتون نے وضاحت کی کہ اس کا 24سالہ بیٹا شادی کی تصاویر لینے کے لئے فوٹوگرافر کے طور پر کام کرنے کے لئے راضی ہوا تھا، اس نے صرف 3سو ڈالر کا تقاضا کیا تھا۔

مگر میرے بیٹے کو شادی گزرنے کے ایک سال بعد بھی اس کی ادائیگی نہیں کی گئی۔

میرے بیٹے نے تصاویر کو حذف کرنے کا فیصلہ کیا اور یہاں تک کہ انہیں اپنی فائلوں سے ڈیلیٹ کردیا، لیکن کیا آپ کو لگتا ہے کہ وہ غلط تھا؟

خاتون نے کہا کہ'میری بہن کا ایک ٹریک ریکارڈ ہے کہ وہ ایک چیز کہتی ہے لیکن کچھ اور کرتی ہے۔

'میرا بیٹا کوئی پروفیشنل نہیں ہے لیکن اس نے کالج میں چار سال کی فوٹو گرافی کی، اس نے چند ایوارڈز جیتے، اور کافی باصلاحیت ہے۔

'وہ اب صرف شوق کے طور پرتصاویر کھینچتا ہے اور اس کے پاس باقاعدہ "دن کی نوکری" ہے۔ اس نے ہچکچاتے ہوئے شادی کی شوٹنگ کرنے پر رضامندی ظاہر کی اور کہا کہ وہ میری بہن سے صرف 300 ڈالر وصول کرے گا، میری بہن بھی کہا تھا کہ وہ اسے رقم ادا کرے گی۔

دو ہفتے گزرنے کے بعد کوئی ادائیگی نہیں ہوتی، لیکن میری بہن جاننا چاہتی تھی کہ اس کی شادی کی تصاویر کہاں ہیں۔ میرے بیٹے نے کہا کہ اس کے پاس ہیں، خوبصورتی سے بنائی گئی ہیں، لڑکے نے کہا کہجب تک اسے ادائیگی نہیں کی جاتی وہ انہیں فراہم نہیں کرے گا۔

'میری بہن نے کہا، "ضرور، ٹھیک ہے، میں آپ کے پاس واپس آئوں گی۔"

'آٹھ مہینے کے بعد بھی میری بہن نے ابھی تک میرے بیٹے کو ادائیگی نہیں کی تھی اور پھر سے "اس کی" شادی کی تصاویر کے بارے میں پوچھا۔آخر کار رقم نہ ملنے پر اس نے تمام تصاویر حذف کردیں۔

اس پوسٹ کے شیئر ہونے کے بعد سیکڑوں قارئین اپنے خیالات کا اظہار کرنے کے لیے تبصروں کی طرف آگئے اور ملے جلے رد عمل کا اظہار کیا۔