کراچی میں 27 سال قبل ہونے والی گاڑی کا ای چالان موصول

شہر قائد میں قائم معروف فائیو اسٹار ہوٹل کو 28 سال قبل چوری ہونے والی کار کا ای چالان موصول ہوا۔ 

ہوٹل انتظامیہ نے جنگ انتظامیہ کو بتایا کہ انہیں 10 ہزار روپے کا ای چالان موصول ہوا لیکن جس گاڑی کا یہ چالان ہے وہ 28 سال قبل شارع فیصل پر فیاض سینٹر کے قریب کار پارکنگ سے چوری ہوگئی تھی۔

انتظامیہ کے مطابق گاڑی چوری ہونے پر صدر تھانے میں 22 مئی 1997 کو ایف آئی آر ہوٹل ملازم کی مدعیت میں درج ہوئی تھی۔

 ہوٹل انتظامیہ نے افسوس کا اظہار کرتے ہوئے کہا کہ پولیس 28 برسوں میں کار تو برآمد نہیں کرسکی لیکن ای چالان بھیج دیا ہے۔

ہوٹل انتظامیہ نے گاڑی برآمدگی کی صورت میں ای چالان بھرنے کی رضامندی ظاہر کی اور پولیس سے اپیل کی کہ اب گاڑی کو برآمد کیا جائے۔