لال بیگ مارنے کی کوشش میں شہری نے گھر کو دھماکے سے اڑا دیا

جاپان میں ایک خوفزدہ شہری نے لال بیگ کو مارنے کی متعدد کوششوں کے بعد اپنے ہی گھر کو دھماکے سے اڑا دیا۔

بین الاقوامی میڈیا رپورٹ کے مطابق  ہیروشیما سے تقریباً 230 میل جنوب مغرب میں کیوشو جزیرے پر واقع شہر کماموٹو میں اتوار کو مذکورہ واقعہ پیش آیا۔

حکام نے بتایا کہ ایک جاپانی شخص ایک کاکروچ کو مارنے کی کوشش کر رہا تھا جو نادانستہ طور پر فائر بگ میں تبدیل ہو گیا جب اس نے اپنے ہی اپارٹمنٹ کو دھماکے سے اڑا دیا۔

آدھی رات سے کچھ دیر پہلے، ایک 54 سالہ شخص نے شہر کے چوو وارڈ میں اپنے اپارٹمنٹ کے اندر ایک تنہا کاکروچ دیکھا اور اس کو مارنے کیلیے بڑی مقدار میں کیڑے مار دوا کا چھڑکاؤ کیا۔

پولیس حکام کے مطابق ایک منٹ بعد زور دار دھماکا ہوا جس سے بالکونی کی کھڑکی ٹوٹ گئی جبکہ گھر میں لگے شیشے بھی کرچی کرچی ہوگئے اور شہری کو بھی چوٹیں آئیں۔

پولیس کے مطابق دھماکے کے بعد گھر میں آگ لگی جس پر فائر بریگیڈ حکام نے قابو پالیا۔

جاپان کے نیشنل کنزیومر افیئر سنٹر نے کہا کہ اسے دھماکوں کی متعدد اطلاعات موصول ہوئی ہیں جن کا تعلق بجلی کی دکانوں کے قریب کیڑے مار دوا چھڑکنے سے ہے۔ یہ پہلا موقع نہیں ہے کہ جب کسی نے غیر روایتی طریقوں کا استعمال کرتے ہوئے کیڑوں کو ختم کرنے کی کوشش کی ہو تو کوئی آفت آئی ہو۔