مریم نواز کی رہائش گاہ جاتی امرا کے باہر سے مشکوک ٹائم ڈیوائس آلہ برآمد

رائے ونڈ میں قائم مریم نواز اور نواز شریف کی رہائش گاہ کے سامنے سے شیر نما ٹائم ڈیوائس مشکوک آلہ برآمد ہوا۔

سنہرے رنگ کے پیکٹ میں کار سوار کی جانب سے پھینکا گئے آلے کے بعد پولیس کی دوڑیں لگیں اور تمام بڑے افسران موقع پر پہنچے۔

پولیس نے کسی بھی ممکنہ خطرے کے پیش نظر جاتی امرا جانے والی سڑک کو عام ٹریفک کیلیے بند کر کے بم ڈسپوزل اسکواڈ کو طلب کیا۔ 

بم ڈسپوزل اسکواڈ نے جب مشکوک پیکٹ کو چیک کیا تو اُس میں سے کھلونا برآمد ہوا جس کے بعد معاملے کو کلیئر کردیا گیا۔

پولیس کے مطابق سی سی ٹی وی فوٹیج میں پیکٹ پھینکنے والے گاڑی کی شناخت ہوگئی ہے اور اُس کا تعاقب کیا جارہا ہے کہ آیا اس حرکت کی وجہ کیا تھا۔