پشاور میں باجے فروخت پر متعدد دکاندار گرفتار

پشاور میں ضلعی انتظامیہ نے جشن آزادی پر شہریوں کی زندگی اجیرن کردینے والے ہارن باجے فروخت کرنے والوں کے خلاف کریک ڈاؤن شروع کیا ہے۔

ضلعی انتظامیہ کے مطابق شہریوں کی مسلسل شکایات پر کارروائی کی جا رہی ہے۔ جس کے دوران متعدد دکانداروں کو گرفتار کر کے درجنوں باجے ضبط کرلیے گئے ہیں۔

انتظامی افسران کو ہدایت دی گئی ہے کہ شہر کے بازاروں میں اس غیر قانونی فروخت کے خلاف سخت کارروائی جاری رکھیں۔

اعلامیے میں کہا گیا ہے کہ یہ مہم خاص طور پر 14 اگست جیسے مواقع پر شور و غل اور عوامی سکون میں خلل ڈالنے والے عناصر کو روکنے کے لیے ہے۔