پی آئی اے کا مسافروں کی فوٹو اور ویڈیو گرافی پر پابندی کا فیصلہ

پی آئی اے نے دوران سفر کسی بھی ہنگامی صورتحال سے بچنے کیلیے مسافروں کی ویڈیو اور فوٹو گرافی پر پابندی عائد کرنے کا فیصلہ کیا ہے۔

پاکستان انٹرنیشنل ایئرلائنز (پی آئی اے) نے پروازوں کی خاص طور پر ٹیک آف اور لینڈنگ جیسے نازک مراحل کے دوران فوٹو گرافی اور ویڈیو گرافی پر پابندی کے نفاذ کا فیصلہ کرتے ہوئے اس کے لیے کوششیں تیز کر دی ہیں۔

جہاز پر مسافروں کی تصاویر اور ویڈیوز لینے کے بڑھتے ہوئے رجحان کے جواب میں، پی آئی اے نے مسافروں کو پابندی کی یاد دلانے کے لیے باقاعدہ اعلانات جاری کرنا شروع کر دیے ہیں۔ 

ایئر لائن اس بات پر زور دیتی ہے کہ یہ پالیسی پاکستان کے ہوا بازی کے ضوابط کے مطابق ہے، جو پروازوں کے دوران فوٹو گرافی پر پابندی لگاتے ہیں۔