سرکاری ٹیچر کا اسکول میں آخری دن، بچوں سے جذباتی ملاقات کی ویڈیو وائرل

انٹرنیٹ پر ایک ٹیچر کے اسکول میں آخری دن کی ویڈیو وائرل ہورہی ہے جس میں طالب علم اپنے ہر دل عزیز استاد کو الوادع کہہ رہے ہیں۔

ویڈیو میں طلباء کو جذبات میں آکر روتے ہوئے اور اپنے استاد کو الوداع کہتے ہوئے گلے لگاتے دیکھا جا سکتا ہے۔

بچوں کی جانب سے ملنے والی محبت پر ٹیچر بھی فرط جذبات پر قابو نہ رکھ سکے اور اُن کے بھی آنکھوں سے آنسو نکل آئے۔

سوشل میڈیا صارفین نے ویڈیو وائرل ہونے پر حکومت سے مطالبہ کیا ہے کہ استاد کو ان کی خدمات کے عوض قومی ایوارڈ سے نوازاز جائے۔

اس ویڈیو کے حوالے سے صارفین کا خیال ہے کہ یہ خیبرپختونخوا کے ضلع مانسہرہ کے گاؤں ملک پور کے سرکاری اسکول کی ہے تاہم کچھ کا ماننا ہے کہ یہ بلوچستان کی ویڈیو ہے۔