طیارے کی ونڈو سیٹ سے کھڑکی غائب ہونے کا انکشاف

بھارت کی نامور ایئرلائن کے طیارے کی ونڈو سیٹ سے کھڑکی غائب ہونے کا دلچسپ انکشاف ہوا ہے۔

ایک نوجوان مسافر نے سماجی رابطے کی سائٹ پر ونڈو سیٹ سے کھڑی غائب ہونے سے متعلق اپنی ٹویٹ پوسٹ کی جو دیکھتے ہی دیکھتے وائرل ہوگئی۔

اس ٹویٹ میں مسافر نے ایئرلائن انتظامیہ سے سوال کیا کہ جب پیسے ونڈو سیٹ کے دیے تو پھر کھڑکی کہاں ہے۔

نوجوان کے مطابق وہ اضافی رقم ادا کرچکا ہے جبکہ اُسے ونڈو سیٹ بھی نہیں دی گئی۔ مسافر نے اپنی سیلفی شیئر کرتے ہوئے لکھا کہ ’ونڈو سیٹ کے پیسے دیے تو ونڈو کہاں ہے؟‘۔

ایئرلائن نے پوسٹ کا جواب دیتے ہوئے کہا، ’ہمیں صورتحال پر تشویش ہے۔ براہ کرم اپنی فلائٹ کی تفصیلات شیئر کریں تاکہ ہم مزید مدد فراہم کی جاسکے‘۔