6 روز اضافے کے بعد سونے کی قیمت میں یک دم ہزاروں روپے کی کمی

کراچی: عالمی مارکیٹ میں سونے کی قیمت مزید 6 روز تک اضافے کے بعد کاروباری ہفتے کے روز پہلے ہی دن ہزاروں روپے کم ہوگئی۔

تفصیلات کے مطابق بین الاقوامی بلین مارکیٹ میں مسلسل چھ روز تک اضافے کے بعد پیر کے روز سونے کی قیمت میں نمایاں کمی دیکھی گئی، جہاں فی اونس سونا 55 ڈالر گھٹ کر 4 ہزار 478 ڈالر پر آ گیا۔

عالمی منڈی میں کمی کے اثرات مقامی صرافہ بازاروں میں بھی دیکھنے میں آئے۔ پاکستان میں 24 قیراط فی تولہ سونے کی قیمت 5 ہزار 500 روپے کم ہو کر 4 لاکھ 70 ہزار 162 روپے کی سطح پر پہنچ گئی۔

اسی طرح 10 گرام سونے کی قیمت میں بھی 4 ہزار 715 روپے کی کمی ہوئی اور نئی قیمت 4 لاکھ 3 ہزار 88 روپے ریکارڈ کی گئی۔

چاندی کی قیمتوں میں بھی کمی دیکھنے میں آئی۔ فی تولہ چاندی 332 روپے سستی ہو کر 8 ہزار 75 روپے جبکہ 10 گرام چاندی 284 روپے کم ہو کر 6 ہزار 923 روپے میں فروخت ہونے لگی۔