بیرونی قرض، ہر پاکستانی 2 لاکھ 88 ہزار روپے کا مقروض ہوگیا

سابق وزیر مملکت برائے خزانہ عائشہ غوس پاشا نے انکشاف کیا ہے کہ اس وقت ہر پاکستانی دو لاکھ 88 ہزار روپے کا مقروض ہے۔

لاہور میں منعقدہ عاصمہ جہانگیر کانفرنس کے ایک سیشن میں خطاب کرتے ہوئے عائشہ غوث نے یہ بھی انکشاف کیا کہ پاکستان کو تین سالوں کے دوران آئی ایم ایف کو 60 ارب ڈالر ادا کرنے ہیں، قرض کی بڑی وجہ بجٹ خسارے کو پورا کرنا ہے۔

انہوں نے قرض سے چھٹکارے کا طریقہ بیان کرتے ہوئے کہا کہ ہمیں اخراجات کو کم اور ایکسپورٹ کو بڑھانا ہوگا، فضول کے اخراجات کو جب تک روکا نہیں جاتا اور سبسڈیز کو ختم نہیں کیا جاتا اُس وقت تک صورت حال ایسے ہی رہے گی۔