ڈالر چار ہفتوں کی کم ترین سطح پر آگیا

پاکستان میں بڑے پیمانے پر متوقع غیر ملکی سرمایہ کاری اور آئی ایم ایف کے ساتھ معاہدے سمیت دیگر وجوہات کی بنا پر کرنسی مارکیٹ میں ڈالر کم ترین سطح پر آگیا۔

کاروباری ہفتے کے تیسرے یعنی بدھ کے روز بھی انٹربینک اور اوپن مارکیٹ میں ڈالر بیک فٹ پر رہا۔

کاروبار کے آغاز سے ہی روپے کی قدر مستحکم رہی اور ایک موقع پر انٹربینک میں ڈالر کی قدر 38 پیسے کم ہوئی جس کے بعد قیمت 284 روپے پر پہنچ گئی تھی تاہم آخری لمحات میں ڈالر کی قدر تھوڑی بڑی اور 23 پیسے پر بند ہوئی۔

جس کے باعث انٹربینک میں ڈالر 284 روپے اور 14 پیسے کی سطح پر بند ہوا، یہ چار ہفتوں کی کم ترین سطح ہے۔

اسی طرح اوپن کرنسی مارکیٹ میں ڈالر کی قدر 25 پیسے کم ہوکر 285 پر پہنچ گئی ہے۔