فائر وال تنصیب، متعدد غیر ملکی کمپنیوں کا پاکستان سے دفاتر منتقل کرنے پر غور

پاکستان بزنس کونسل نے انکشاف کیا ہے کہ انٹرنیٹ کی سست روی اور مسائل کے باعث متعدد غیرملکی کمپنیاں پاکستان سے اپنے دفاتر منتقل کرنے پر غور کررہی ہیں۔

پاکستان بزنس کونسل کی جانب سے جاری اعلامیے میں بتایا گیا ہے کہ مبینہ طور پر فائر وال کی تنصیب اور نفاذ کے باعث انٹرنیٹ کی رفتار تقریبا ختم ہونے اور سوشل میڈیا ایپس نہ چلنے کی وجہ سے کمپنیوں نے دفاتر بیرون ملک منتقل کرنے پر ارادہ ظاہر کیا جبکہ متعدد پہلے ایسا کچرکی ہے۔

اعلامیے میں کہا گیا ہے کہ ’کمپنیاں پہلے ہی بجلی کی پیداوار اور کیپسٹی چارجز کے چلینج کی وجہ سے پریشان ہیں اور پھر انٹرنیٹ جیسی اہم ضرورت بھی اب دستیاب نہیں، اس کی وجہ سے بے روزگاری اور برآمدات میں نقصان ہوگا‘۔

پاکستان بزنس کونسل نے کہا کہ اب ہمیں فائر وال کے ناقص نفاذ کی وجہ سے ابھرتے ہوئے سافٹ ویئر سیکٹر میں بے کار کیپیسٹی کے خطرے کا سامنا ہے۔