گاڑی خریدنے کے خواہش مند افراد کیلیے بری خبر

نگران وزیر خزانہ شمشاد اختر کی زیر صدارت کابینہ کی اقتصادی رابطہ کمیٹی کا اجلاس ہوا جس میں مقامی سطح پر تیار ہونیوالی گاڑیوں پر سیلز ٹیکس کی شرح بڑھا کر 25 فیصد کرنے کی بھی منظوری دے دی گئی۔

مبصرین کا ماننا ہے کہ مقامی گاڑیوں پر سیلز ٹیکس کی شرح بڑھنے سے گاڑیاں مہنگی ہونے کا امکان ہے۔

اجلاس میں نیشنل کریڈٹ گارنٹی کمپنی لمیٹڈ کے شیئر سبسکرپشن ایگریمنٹ(ایس ایس اے) کی بھی منظوری دیدی گئی ہے۔

اس کے علاوہ کابینہ نے 35 فیصد گیس کی قیمت بڑھانے کی بھی منظوری دی جس کا حتمی فیصلہ وفاقی کابینہ کرے گی۔

علاوہ ازیں ای سی سی نے انٹیلی جنسی بیورو رواں مالی سال کے لیے ساڑھے بارہ کروڑ روپے کی اضافی تکنیکی ضمنی گرانٹ فراہم کرنے کی بھی منظوری دیدی ہے۔

اراکین کو بریفنگ دی گئی کہ مذکورہ فنڈز دہشتگردی کے خاتمے اور ریاست مخالف عناصر کے خلاف آپریشن کیلئے درکار اخراجات کیلئے استعمال کئے جائیں گے۔