سونا غریب کی پہنچ سے مزید دور ہوگیا، قیمت میں آج بھی اضافہ

عالمی مارکیٹ میں سونے کی قیمت بڑھنے کے منفی اثرات مقامی صرافہ بازاروں پر بھی نظر آئے۔

تفصیلات کے مطابق کاروباری ہفتے کے دوسرے یعنی منگل کے روز عالمی بلین مارکیٹ میں فی اونس سونے کی قیمت تین ڈالرز اضافے کے بعد 2050 فی اونس کی سطح پر پہنچ گئی۔

عالمی مارکیٹ میں ہونے والے اضافے کے بعد پاکستان بھر کے مقامی صرافہ بازاروں فی تولہ سونے کی قیمت میں 300 جبکہ دس گرام کی قیمت میں 257 روپے کا اضافہ ہوا۔

حالیہ اضافے کے بعد کراچی، کوئٹہ، پشاور، لاہور، راولپنڈی، اسلام آباد، حیدرآباد، ملتان سمیت دیگر شہروں میں فی تولہ سونے کی لین دین 2 لاکھ 16 ہزار 400 جبکہ فی دس گرام کی خرید و فروخت 1 لاکھ 85 ہزار 528 روپے کے ساتھ ہوئی۔