سونا تاریخ کی نئی بلند ترین سطح پر پہنچ گیا، خریدار پریشان

کراچی: آج کاروباری روز کے دوران بین الاقوامی اور مقامی مارکیٹوں میں سونے کی قیمت تاریخ کی نئی بلند ترین سطح پر پہنچ گئی۔

آل پاکستان جیمز اینڈ جیولرز ایسوسی ایشن کا کہنا ہے کہ ملک بھر میں فی تولہ سونے کی قیمت میں 6200 روپے کا اضافہ ہوا، اضافے سے فی تولہ سونے کی قیمت 4 لاکھ 62 ہزار 362 روپے ہوگئی۔

اسی طرح 10 گرام سونے کے بھا میں 5315 روپے کا اضافہ ہوا، جس کے بعد 10 گرام سونا 3 لاکھ 96 ہزار 400 کا ہوگیا۔

عالمی مارکیٹ میں فی اونس سونا 62 ڈالر اضافے سے 4400 ڈالر کا ہوگیا۔