سونے کی قیمت میں اضافے کا سلسلہ جاری، آج بھی بڑا اضافہ

کراچی : سونے اور چاندی کی قیمت میں دوسرے روز بھی تیزی کا رجحان دیکھا گیا۔

آل صرافہ ایسوسی ایشن کے مطابق عالمی و مقامی گولڈ مارکیٹس میں قیمت میں پھربڑا اضافہ دیکھنے میں آیا، 24کیرٹ فی تولہ سونا 3700روپے بڑھ کر 4 لاکھ73ہزار 262 روپے کا ہو گیا۔

 دس گرام سونے کے بھاؤ 3172 روپے کے اضافے سے 405745روپے ہو گئے۔چاندی کی فی تولہ قیمت 270روپے بڑھ کر 8465 روپے ہوگئی،عالمی منڈی میں فی اونس سونا 37 ڈالر مہنگا ہو کر فی 4509 ڈالر کا ہو گیا۔